Научете како функционираат апликациите и екосистемот во облак на Apple.
Апликациите во облак и екосистемот за складирање во облак на Apple се нарекуваат iCloud и ги вклучуваат овие апликации:
iCloud исто така ги поддржува апликациите за продуктивност на Apple, како што се Страници (Pages), Бројки (Numbers), Клучна белешка (Keynote) и други. Овие апликации не се бесплатни, но се вклучуваат при купувањето на уред Apple.
Апликациите во облак на Apple работаат на мобилни уреди и компјутери, и во овој курс ќе научите како да пристапите до нив користејќи компјутер и веб-прегледувач.
Подготовката за користење на iCloud на вашиот компјутер преку веб-прегледувач се состои од неколку чекори. Ќе ви треба:
iCloud.com е дизајнирана да биде ваш портал до сите апликации Apple iCloud. Кога ќе ја посетите iCloud.com, најавете се со внесување на адресата на е-пошта и лозинката на вашето Apple ИД (Apple ID). Потоа, кликнете на иконата на апликацијата што сакате да ја користите.
Корисно е да можете да пристапувате до апликации Apple на icloud.com ако немате пристап до вашиот уред Apple, или ако на пример користите мобилен уред Apple и компјутер со Windows.
За да зачувате или уредите датотеки користејќи апликации во облак ви треба склад во облак. Вашата бесплатна сметка на Apple iCloud има склад во облак со големина од 5GB.
Кога ќе пристапите во Белешки (Notes), Календар (Calendar) и Потсетници (Reminders) на мобилниот телефон и кога ќе извршите некаква промена, iCloud ќе обезбеди дека тие промени исто така ќе се појават (или синхронизираат (sync)) со вашиот компјутер.
Ви треба уред Apple за да можете да го поставите iCloud и да пристапувате до него со веб-прегледувач. За да го направите тоа, ќе го употребите Apple ИД (Apple ID) што го создадовте кога го поставивте уредот Apple.
Потоа, внесете icloud.com во адресната лента на веб-прегледувачот, па напишете ја адресата на е-пошта и лозинката на Apple ИД за да ја отворите веб-страницата. Следете ги чекорите, и кога ќе се појават иконите на апликациите iCloud, тоа значи дека сте се најавиле успешно.
Кога ќе завршите со користење на iCloud, кликнете на вашето име во горниот десен дел на страницата, па потоа кликнете на Одјави се (sign out) за да се одјавите безбедно.
Вашата сметка на iCloud вклучува бесплатна адреса на е-пошта и поштенско сандаче, до кое можете да имате пристап со апликацијата Пошта (Mail app). На iCloud.com кликнете на иконата на Пошта (Mail icon) за да почнете.
Пошта не е единствената апликација што се синхронизира со облакот и вашите уреди. Во отанатите апликации се вклучуваат:
Кога купувате уред Apple, поставувате Apple ИД, коешто ви дава бесплатна сметка на iCloud и склад со големина од 5GB. Ова е доволно за датотеки, документи и неколку стотици фотографии.
За да добиете повеќе склад, можете да извршите надградба на вашата сметка на iCloud на сметка iCloud+. Постојат различни опции за складирање што можете да ги изберете и цената се плаќа месечно. Можете да го споделувате вашиот склад со уште 4 членови на семејството.
Пакетите iCloud+ може да се купат користејќи уред Apple и можете да ги откажете во секој момент. Нема да добиете надоместок, но откажаниот пакет ќе продолжи да работи до крајот на месецот. Не заборавајте да ги проверите ситните букви и размислете дали претплатата ви одговара.
Вашата сметка на iCloud обезбедува дека сите ваши датотеки се ажурирани и синхронизирани на уредите Apple и облакот. Нештата што можете да ги синхронизирате со iCloud вклучуваат:
За нив треба простор за складирање. За да управувате со складот на iCloud, посетете ја www.icloud.com/settings. Можеби ќе треба да го дадете вашето Apple ИД и лозинката за да се најавите.
Страницата со поставки покажува колку склад ви преостана и исто така, како се употребува помеѓу различните нешта, како Фотографии и видеозаписи (Photos and Videos) или Резервна копија од вашиот iPhone или iPad (Backup of your iPhone or iPad).